Tagesbericht des Fähnli Eichhörndli:
Am Morge simmer wieder wie immer vo de nervende Pfiffetön vo de Leiter hektisch gweckt worde. Nachem aschlüssende Zmorge hemmer üs guet agleit mit Wanderschueh und Regejacke gege de Rege wo am Morge no amigs chli gnieselet hed. Mier sind vom Willi abgholt worde, wo da im Wald de Förschter isch. Mit ihm hemmer, die vo ihm abgsagete Bäum und Strücher uf Hüfe gsammlet. Da mier nüüt für de Lagerplatz zahle müend, hemmer defür a dem Morge det mitghulfe.
Zum Zmittag heds Ghackets mit Hörndli oder mit Gmüessauce geh, was natürlich vo üsere bezaubernde Chuchi au dasmal ned versaut worde isch und so isch au s'Nacheschöpfe ned chli usgfalle.
Nach de Ämtli vom Mittag, heds den am Namittag en Pfadiolympiade geh, wos verschiedeni Spiili vo Fuessball bis Pfaditechnik gäh hed. Schlussändlich isch sii dur es Seilzieh entschiede worde. Aschlüssend sind den wieder Archäologe mit de neue Ritualufgabe cho. Die hed mer den ide Friizit fliessig afah löse. Wie zum Biespiil s'Zält Thema gerächt dekoriere, oder es Schuehgstell bastle.
Zum Znacht heds den Fajitas gäh, wo sicher jedem de letscht Hunger gno hend. Für de Abig isch üs bis jez gseid worde, mer seled euis warm alegge.
Voller Einsatz bei der Waldarbeit...
...mit Arbeitshandschuhen für die zarten Hände.
Pfadiolympiaden Disziplin: Armdrücken
Und ab in den Blachenschlauch.
Einsatz mit dem ganzen Körper beim Seilziehen.